Oinet.kz — ақпараттық-сараптамалық сайт

Дариға Назарбаева мұғалімдер мен дәрігерлер үшін жеке тұрғын үй бағдарламасын әзірлеуді ұсынды

18.05.2018 | 14:09
Дариға Назарбаева мұғалімдер мен дәрігерлер үшін жеке тұрғын үй бағдарламасын әзірлеуді ұсынды

Парламент Сенатының депутаты Дариға Назарбаева Қазақстанда мұғалімдер мен дәрігерлер үшін жеке тұрғын үй бағдарламасын әзірлеуді ұсынды.

Бұл туралы “Нұрлы жер” бағдарламасының жүзеге асырылу барысында талқыланған сенат отырысында айтылды, деп хабарлайды  Stan.kz ақпараттық агенттігі.

«Халықтың денсаулығы мен білім деңгейінде өте үлкен рөл атқаратын адамдардың бұл санаты бірнеше рет шетте қалып қалды. Дәрігер мен медбике, мұғалім мен мұғалімнің материалдық тұрғыдағы жағдайы бірдей емес. Отбасы, күйеуі бар мұғалімдер бар, олар, мәселен, бағдарламаға қатыса алады. Бірақ мұндай мүмкіндігі жоқ мұғалімдер де бар ғой. Олардың бірлесе баспана алуға жәрдемдесетін отбасы жоқ, тіпті кейбірінің мойнында туған-туысқандары отыр. Оларға қалай көмектесуге болады?»,- деген сұрақ қойды Дариға Назарбаева жұма күнгі дөңгелек үстелде.

Назарбаеваның айтуынша, дәрігерлер мен мұғалімдер тұрғын үйді қамтамасыз ету тұрғысында өте осал болып табылатын үлкен азаматтық сектор және әлі күнге дейін бірде-бір ипотекалық бағдарлама олардың тұрғын үй мәселесін толық шеше алмады.

Сенатор дәрігерлер мен мұғалімдерді «мемлекеттік қызметке ұмтылуға, жұмыс орындарын ұстап тұруға және олардың біліктілігін арттыруға» ынталандыру керек екенін айтты.

«Сондықтан менің ұсынысым оларға әскери қызметкерге секілді тұрғын үй мәселесін шешу үшін несиелендіру арқылы жеке бағдарлама әзірлеу. Бұл мәселе пісіп жетіліп, өсетін болады», – деді Назарбаева.

Сонымен қатар ол елдегі жатақханалардың құрылысына назар аударуды ұсынды.

«Бұл тұрғын үй секторы ұзақ жылдар бойы көптеген отбасыларды, жас мамандарды, студенттерді қиындықтан құтқарды. Бірақ бүгінде жатақханалар туралы әңгіме әдеттегідей емес, тек студенттерге арналғаны ғана болмаса. Ал жұмысшыларға арналған жатақхана ше? Жатақхана сондай-ақ тұрғын үй мәселесін шешудегі алғашқы қадам болып табылады» , — деді Назарбаева.

Айта кетейік, Қазақстанда 2018 жылдың 1 қаңтарынан бастап Қарулы күштер, әскери прокуратура, ұлттық қауіпсіздік және ішкі істер органдарының әскери қызметшілеріне арналған жаңа тұрғын үй бағдарламасы жүзеге асырылып жатыр.

8

 
Көрілді: 1950
Жаңартылған: 18.05.2018 | 14:14
Категориялар: Басты жаңалықтар, Экономика