Oinet.kz — ақпараттық-сараптамалық сайт

Оңтүстік "Фудсиб"-пен меморандумға отырды

22.11.2017 | 14:31
Оңтүстік

Елбасының «Қазақстан 2050» тратегиялық жоспарындағы «Аса ірі экспорттық нарықты меңгеру үшін біз қай азық-түліктің жаппай өндірісін басты етіп қоятынымызды айқындауымыз керек. Алынған шаралардың нәтижесінде 2050 жылға қарай ел ЖІӨ-дегі ауылшаруашылық өнімінің үлесі 5 есе артуы тиіс» деген тапсырмасына орай Оңтүстік Қазақстан облысы әкімдігі мен Новосібір қаласындағы «Фудсиб» сауда кешені арасында ынтымақтастық туралы меморандумға қол қойылды. Бұл туралы ОҚО әкімінің баспасөз қызметі хабарлайды. Ондағы мақсат – өңірдегі ауылшаруашылық тауар өндірушілерінің экспорттық әлеуетін арттыру болып табылады. Мұндай келісімге Ресейдің Новосібір қаласында өткен «Фудсиб» жемістер мен көкөністер көтерме және бөлшек сауда кешенінің ашылу рәсімі барысында қол жеткізіліп отыр. Аталған жиынға облыс әкімінің тапсырмасымен ОҚО мәслихат хатшысы Қ.Балабиев, «Ырыс» микро қаржылық ұйымының директоры Данияр Арынғазин, Көлік және логистика аймағының бас директоры Е. Бектаев, «Ордабасы құс» ЖШС басшысы Б. Жұмаханов қатысып қайтқан болатын. Екі ел арасындағы сауда-экономикалық қатынастарды дамыту мақсатында ұйымдастырылған сапар жемісті болып, «ОҢТҮСТІК» аймақтық инвестициялық орталығы «RIC ON EXPORT» бағдарламасын іске қосты. Нәтижесінде қазіргі таңда Оңтүстікте өндірілген тауарлардың Новосібір қаласына бірінші жеткізілімін жөнелту жоспарланып отыр.  Осы орайда компанияда Ресей Федерациясына өнімдерді экспорттауды ұйымдастыруда ауыл шаруашылығы тауарын өндірушілерге қолдау көрсету және кешенді қызмет көрсету үшін арнайы жұмыс тобы құрылды. Айта кету керек, «ОҢТҮСТІК» АИО «RIC ON EXPORT» ауылшаруашылық өндірушілерінің экспорттық әлеуетін дамыту бағдарламасының шеңберінде орталықпен қаржыландырылған ауыл шаруашылық тауар өндірушілерінің қатысуымен «RIC ON KORME» атты тұрақты көрме-жәрмеңке ұйымдастырылуда.

 
Көрілді: 277
Жаңартылған: 22.11.2017 | 14:32
Категориялар: Қоғам, Қоғамдағы басты жаңалықтар