Oinet.kz — ақпараттық-сараптамалық сайт

Қазақстанда балаларды 1-сыныпқа қабылдау ережелері өзгерді

29.05.2018 | 09:35
Қазақстанда балаларды 1-сыныпқа қабылдау ережелері өзгерді

ҚР Білім және ғылым министрі балаларды 1-сыныпқа қабылдау ережесіне өзгеріс енгізді. Бұл туралы Stan.kz хабарлайды.

Министрліктің баспасөз қызметінің мәліметінше, қыркүйек-желтоқсан айы аралығында туған балалар осы жылы 1-сыныпқа бара алады. Өйткені, олар жыл соңына дейін 6 жасқа толып үлгереді.

«Бастауыш, негізгі орта және жалпы орта білім беру ұйымдарына оқуға қабылдау қағидаларына сәйкес, жалпы білім беретін оқу бағдарламасын іске асыратын білім беру ұйымдары дайындық деңгейіне қарамастан, білім беру ұйымдарының қызмет көрсету аумағында тұратын жеті жасқа толған және ағымдағы жылы алты жасқа толатын балалардың бірінші сыныпқа қабылдануын қамтамасыз етеді», – делінген баспасөз қызметінің ресми хабарламасында.

Бұрындары 1-сыныпқа қабылдау үшін мекенжай анықтамасын өткізу керек болатын. Қазір ол талап алынып тасталды. Осы ережеге сай баланы 1-сыныпқа қабылдамай жатса, жергілікті білім басқармаларына шағым айтуға болады.

Құжаттарды 1 маусым мен 30 тамыз аралығында қабылдайды.

67

 
Көрілді: 3435
Жаңартылған: 29.05.2018 | 09:40
Категориялар: Қоғам, Басты жаңалықтар