Oinet.kz — ақпараттық-сараптамалық сайт

Қолөнерші: Қарақат, сенің бетің жылтыр

27.06.2018 | 14:07
Қолөнерші: Қарақат, сенің бетің жылтыр

Осыдан бірнеше күн бұрын Ырза Тұрсынзада есімді қолөнерші, БАҚ өкілдерінің басын қосып, Қыдырәлі мен Қарақатты айыптаған еді. Ол баспасөз-мәжілісінде ғимаратынан айырылғанын және жұлдызды жұптан жәбір көргенін айтқан. Алайда, Болмановтың өз ақиқаты бар.

Бұл туралы НТК арнасының “Ревю” бағдарламасында айтылды.

Ырза Тұрсынзада Астанадағы даулы ғимаратты 2009-шы жылдан бері жалға алып келеді екен. Жақында іс-сапарға кеткен қолөнер шебері, әлдебіреулер коттедждің есігін бұзғанын айтады. Кейін бұл іске Болмановтың қатысы барын естиді. Шарасыз қалған сәнгерге танымал блогер Ғалым Байтүк қолдау көрсетуде.

“Ырза Тұрсынқызы құрған «Алтын-орда» қолөнершілер академиясының мақсаты, салт-дүрлер мен мәдниетті насихаттау. Бұл кісі қаладағы жұмыссыз халық пен ауыл тұрғындарын қолөнерге баулиды. Орталықтан тәлім алғандар, жанұясын асырап отыр. Осы ғимаратты ешбір еркертусіз, Қыдырәлі мен Қарақат тартып алған”, – деген еді блогер.

“Айтпақшы, сол ғимаратта отырғанымды Қарақат та, Қыдырәлі де біледі. Олар сол жерге келіп қанша фотосессиясын жасады. Сол жерден келіп Қарақат қаншама дүние алды. Рас, солай болды!” – дейді Ырза Тұрсынзада.

Осы орайда Болмановқа хабарласып, істің мән-жайын сұрап көрген едік. Алайда Қыдырәлі Тұрсынзаданың сөзін жоққа шығарды.

“Ол кісінің айтуынша мен болған екенмін сол жерде, иә?! Аталмыш ғимаратты аттап басып, көрген емеспін. Ол жерде онымен кездескен емеспін, Алла куә! Құран ұстап, ант бере аламын”, – дейді Болманов.

Қыдырәлінің сөзінше, аталмыш коттедж мемлекеттің меншігінде. Орталықтың есігін бұзаған сот орындаушылары екен. Өйткені, қолөнер шебері біраз уақыт бойы қарызын төлемей, хабарсыз кеткен. Ал, Болманов, әкімшіліктен әлеуметтік мектеп ашу мақсатында ғимарат сұраған. Бірақ, бірнеше мекеменің ішінде қауіпсіз аймақ деп танылған, дәл сол Ырза ханым отырған орын таңдалыпты. Дизайнердің жұмыстағы шикілігін Қыдырәліге заңгерлер хабарлаған.

“Сосын ол жерде кімнің ғимараты екенінде біздің шаруамыз болған жоқ. Біреулер заңсыз кіріп алған екен. Біз оларды шығарамыз деген хаттар келіп тұр. Бізге емес, заңгерге! Мұнымен тікелей айналысқан заңгер!” – деп түсіндірді Қыдырәлі Болманов.

Ал, жұлдызды жұптан көңілі қалған Тұрсынзада бұл іске Қарақатты кінәлайды.

“Қарақат жаным, саған айтатыным, сенің аудиохатыңды оқуға жүрегім айниды. Сенің бетің жылтыр, бірақ сол беттің астында тұрған арың, жамауға келмейтін жыртылған ар екен. Саған айтатыным сол Қарақат!” – деген еді Ырза Тұрсынзада.

“Қарақат ешқашан, ештеңемен артық айналысқан емес. Ол балаларына қарайды. Оның бес баласы бар. Менімен қосқанда алты баласы бар. Оның бір ғимаратпен айналысуға, біріншіден уақыты да жоқ. Екіншіден ол заңгер емес, ондай нәрсеге ешқашан араласпайды. Қазақ тілінде айтқанда ол – әйел!” – дейді Қыдырәлі Болманов.

Бұл дауға әлі де нүкте қойылмақ емес. БАҚ өкілдерінің басын қосуға бекінген Болманов, бүгін елордада баспасөз-мәслихатын өткізіп, барша жұртқа болған жайды бүкпесіз баяндап бермек.

kydyrali bolman 372924321792 n

 
Көрілді: 2331
Жаңартылған: 27.06.2018 | 14:20
Категориялар: Басты жаңалықтар, Мәдениет