Түркістанда мектеп-интернаттың сатып алуында заңбұзушылық анықталды.
Түркістан облысы бойынша Ішкі мемлекеттік аудит департаменті мемлекеттік сатып алу саласына кезекті камералдық бақылау жүргізді.
Тексеру барысында Түркістан облысының білім басқармасына қарасты «№3 арнайы мектеп-интернат» коммуналдық мемлекеттік мекемесінің 2026 жылдың қаңтар айында мемлекеттік сатып алу веб-порталында баға ұсыныстарын сұрату тәсілімен жариялаған №16098396-1 сатып алу рәсімі қаралды.
Камералдық бақылау нәтижесінде сатып алу құжаттамасында қолданыстағы қағидалардың талаптары сақталмағаны анықталды. Атап айтқанда, техникалық ерекшелікте сатып алынатын тауарларға қатысты ұлттық немесе мемлекетаралық стандарттар көрсетілмеген.
Ал қолданыстағы заңнамаға сәйкес, тапсырыс берушілер техникалық ерекшелікті әзірлеу кезінде міндетті түрде ұлттық стандарттарды, ал олар болмаған жағдайда мемлекетаралық стандарттарды көрсетуі тиіс. Бұл талаптар сатып алынатын тауарлардың сапасы мен қауіпсіздігін қамтамасыз етуге бағытталған.
Анықталған бұзушылықтар негізінде аталған мекемеге мемлекеттік сатып алу туралы заңнама талаптарына сәйкестендіру жөнінде хабарлама жолданды.
Қазіргі уақытта департаменттің хабарламасы толық көлемде орындалып, анықталған кемшіліктер жойылған.
Мұндай бақылау шаралары мемлекеттік сатып алу жүйесінің ашықтығын арттыруға және заңбұзушылықтардың алдын алатыны анық.
Сәйкес тақырыптар
