Түркістандық кәсіпкерлер қайырымдылық жасады

Oinet.kz 06-10-2019 774

Screenshot_19.jpg

Түркістандық кәсіпкерлер сауапты бастаманың ұйытқысы болды. Қалталы азаматтар қаладағы «Жәннат ана» дәмханасында бір топ мүмкіндігі шектеулі балалардың басын қосып, шара ұйымдастырды. Түркістан қалалық әкімдігі мен жеке кәсіпкерлердің және Қазақстан халқы Ассамблеясының жанындағы Түркістан қаласындағы «Қоғамдық келісім» кеңесінің мүшелері, облыстық ақсақалдар алқасының құрамы демеушілік етіп, «Мүгедектер қауымдастығының» төрайымы Феруза Қарамолдаеваның ұсынысын қолдап, мүмкіндігі шектеулі балалардың қуаныштарын еселеді.

Қаладағы жаны жомарт, қолы ашық азаматтардың ықпалымен 60 мүмкіндігі шектеулі балаларға дастарқан жайылып, сый-сияпаттар таратылып, қыстық киім-кешектер берілді. Жиында Түркістан облыстық ақсақалдар алқасы төрағасының орынбасары Жұмадулла Кішібаев, облыс имамының орынбасары Сүлеймен Молдатілеуұлы, қаланың бас имамы Жүсіпбек Қасымбеков, қаладағы қайырымдылық дүкенінің иесі Сәбит Шәріпбеков сөз сөйлеп, балалардың дендеріне саулық, отбасыларына амандық тіледі.

Ата-аналарымен келген балғындар үшін Түркістан қалалық мәдениет үйінің өнерпаздары әннен шашу шашып, кештің ажарын ашты.

Премьер-министр Түркістандағы жаңа ғимараттардың құрылысын тексерді
Түркістан гүл қалаға айналын күн алыс емес
Сәйкес тақырыптар
Көтерілу