Желтоқсандағы мерекелік күндерде 4 бағыт бойынша қосымша пойыздар шығады.

"Жолаушылар тасымалы" АҚ желтоқсандағы мерекелік күндерде (Тұңғыш президент күні, ҚР Тәуелсіздік Күні, Жаңа жыл) 4 бағыт бойынша қосымша пойыздардың тағайындалуы туралы хабарлайды.

Атап айтқанда:

"Алматы-2 – Шымкент" бағыты бойынша 12 рейс Алматы-2 ден 28 қараша күні, желтоқсан айының 2, 5, 9, 12, 16, 19, 23, 26, 30 күндері  және 2020 жылдың 2, 6 қаңтар күндері шықса, сәйкесінше Шымкент қаласынан 29 қараша, 3, 6, 10, 13, 17, 20, 24, 27, 31 желтоқсан және 3, 7 қантар күндері кері бағытта шығады.

"Алматы-2 – Түркістан" бағыты бойынша 4 рейс Алматы-2 –ден 28 қараша және 5, 17, 24 желтоқсан күндері, ал Түркістаннан сәйкесінше 29 қараша және 6, 18, 25 желтоқсан күндері кері бағытта жүреді.

"Маңғыстау-Бейнеу" бағыты бойынша күн ара Маңғыстаудан 2019 жылдың 28 қарашасынан бастап 2020 жылдың 6 қаңтарына дейін жұп күндері, ал Бейнеуден 2019 жылдың 29 қарашасынан бастап 2020 жылдың 7 қаңтарына дейін тақ күндері жүреді. 

"Нұр-сұлтан-Шу" бағыты бойынша "Тұлпар-Тальго" вагондарымен жасақталған 2 рейс 2019 жылдың 31 желтоқсаны мен 2020 жылдың 2 қаңтарында жүреді.

Сондай-ақ, №712/711 "Нұр-сұлтан-Нұрлы жол – Шымкент" коммерциялық пойызы биылғы жылдың 8 желтоқсанынан бастап күн сайын қатынайтын болады.

Ұлттық тасымалдаушы барлық сұрақтар бойынша бірыңғай анықтама қызметі "105" нөміріне хабарласуларыңызды сұрайды (стационарлық телефоннан қоңырау тегін).