Еліміздің Тұңғыш Президенті Семейдегі "Абай арена" стадионы өз атауын сақтауы тиіс деп санайтынын жеткізді. Бұл туралы Елбасының баспасөз хатшысы Айдос Үкібай мәлімдеді.

- Әлеуметтік желілер мен БАҚ-та ШҚО белсенділерінің "Абай арена" стадионының атауын өзгерту туралы ұсынысы талқылануда. Елбасы әрдайым өзіне қатысты мұндай "құрмет-қошеметке" қарсы. Н.Назарбаевтың пікірінше, стадион қазақтың ұлы ақыны әрі философының атында қалуға тиіс, - деп жазды ол Twitter-де.