Түркістан облысы Сайрам ауданы әкімінің сайлауы 5 қазанға белгіленді. Бұл туралы Сайрам ауданы сайлау комиссиясы хабарлады.

 «Қазақстан Республикасындағы сайлау туралы» Қазақстан Республикасының Конституциялық заңының 14 бабының 8-1) тармақшасына, 113-1 бабының 1 тармағының 3 тармақшасына сәйкес және Түркістан облысы әкімінің 2025 жылғы 4 тамыздағы №04-05/306 өкімі негізінде Сайрам ауданы әкімінің өкілеттігінің мерзімінен бұрын тоқтатылуына байланысты, Сайрам ауданының аумақтық сайлау комиссиясы ҚАУЛЫ ЕТЕДІ:

Түркістан облысы Сайрам ауданының әкімін сайлау 2025 жылдың 5 қазанына тағайындалсын.

Осы қаулыдағы қосымшаға сәйкес 2025 жылғы 5 қазанына тағайындалған Түркістан облысы Сайрам ауданының әкімін сайлауды әзірлеу мен өткізу жөніндегі негізгі іс-шаралардың күнтізбелік жоспары бекітілсін.

Сайрам ауданының әкімі Арман Сәбитов жуырда басқа қызметке ауысына байланысты қызметінен кеткен болатын.