Атаның жүгі - атанның жүгі.

Ата баласының ат меңіндей белгісі болады.

Жеті атасын білген ұл,

Жеті елдің қамын жер.

Өзін ғана білген ұл,

Құлағы мен жағын жер.

Әке-шеше бар болсын,

Аузы-мұрны жоқ болсын.

Атадан бала, 

мойыннан жаға озбайды. 

Анасы басқа аттан түс,

Атасы бір артқа мін.

Әке өлсе - мүлкі мұра,

Аға өлсе - жеңге мұра.

Анаңа рақым етпесең, 

Балаңнан рақым күтпе.

Әйелді жаман десең, анаң соның ішінде.

Анасын сыйламағанды адал деме, 

Ұстазын сыйламағанды адам деме.

Ұлыңа ұлтарақ бол,

Келініңе көпшік бол.