Қадыр Мырза Әли. «Көктем»

Oinet.kz 16-09-2018 1162

hello_html_m647bd0f7.jpg

Қарайып жарқабақтар күн ыстаған,

Қырдан қар төмен қарай жылыстаған.

Тосады жалпақ дала күнге жонын,

Денесін жазайын деп құрыстаған.

Ала бұлт аспанның бір қабатындай

Ақырын төмендейді қонатындай.

Күміс бу жер бауырлап козғалады.

Көктемнің ұшып келген қанатындай.

Ауылдың шығып алып қыр бетіне,

Аймақтың көз жіберші келбетіне

Сансыз құс алуан ырғақ, алуан үнмен

Сайрайды гүлді көктем құрметіне.

Құрағы сырын шертіп қоғасына,

Сұлулық бітер көлдің жағасына.

Жаз келіп, көктем жылжып жүре берер

Інідей орын берген ағасына.

Қадыр Мырза Әли. «Қазына»
Шәкәрім Құдайбердіұлы. «Бояулы суыр»
Сәйкес тақырыптар
Көтерілу