Үкімет отырысында Қазақстанда әлемдік деңгейдегі жұлдыздардың концерттерін өткізу жоспары  жарияланды, деп хабарлайды Оinet.kz тілшісі.

«Kazakh Tourism» ұлттық компаниясының төрағасы Талғат Ғазизов биыл Қазақстанда өтетін ірі мәдени іс-шаралар тізімін таныстырды. Оның айтуынша, ішкі және шетелдік туристерге қызық болатын мәдени, этномәдени, спорттық, экологиялық және гастрономиялық шаралар 2026 жыл бойына бірыңғай іс-шаралар күнтізбесі жасалған.

Жоспарға сәйкес, ел аумағында ай сайын 2-ден 7-ге дейін ірі іс-шара ұйымдастыру көзделіп отыр.

Ғазизовтің мәлімдеуінше, биыл әлемге танымал орындаушылардың қатысуымен кемінде бес ірі концерт өткізу жоспарланған. Алғашқы концерт мамыр айына белгіленген.

— Алғашқы концертке Тимбалэнд, Николь Шерзингер, Баста Раймс және өзге де танымал әртістердің қатысуы жоспарланып отыр, — деді ол.

Үкіметте айтылған бұл бастама Қазақстанды ірі концерттік турлар картасына енгізіп, елдің туристік тартымдылығын арттыруға бағытталған.