42 500 теңгеге қатысты шағымды қайда жолдауға болады

Oinet.kz 12-05-2020 1427

Еңбек және әлеуметтік қорғау министрлігі елімізде ТЖ кезінде берілген 42 500 теңге жәрдемақы мәселесі бойынша қайда шағымдануға болатынын мәлім етті, деп хабарлайды Oinet.kz тілшісі. 

image.png

Бұған дейін WhatsApp месенджерінде 11 мамыр күні төлемге өтініш беру тоқталғаны және егер сізге 42 500 теңге төленбесе, электронды түрде шағым беру керектігі айтылған хабарлама таралыпты. 

Осыған орай министрлік өкілдері бұл ақпарат жайлы пікір білдірді. 

- "Табысынана айырылғандардың 42 500 теңгеге өтініш беруі Қазақстандағы ТЖ режимі аяқталғаннан кейін 11 мамыр күні сағат 18:00-де тоқтатылды. Осы уақытқа дейін өтінім жолдап үлгергендердің жағдайы қарастырылатын болады. Егер еңбек министрлігі қажет деп тапса, жәрдемақы беріледі", - деді министрліктің өкілдері. 

Бұған қоса министрліктегілер 16 сәуірге дейін өтініш жолдағандар тағы бір қайтара 42 500 теңгені ала алатындарын алға тартты. Ал одан кейін бергендер тек бір рет төлемді ала алады. 

- "Өтініштің қаралуын 42500.enbek.kz сайтынан кіріп бақылауға болады. Егер белгілі жағдайларға байланысты өтінімді қайта қарау керек болса, 42500@enbek.kz,   42500@gfss.kz мына электронды поштаға хат жолдай алады", - деп қосты министрліктегілер. 

Еске салайық, бұған дейін ТЖ аяқталғанына байланысты елімізде 42500 теңгеге өтініш беру тоқтатылғаны айтылған еді. 

Қостанайда ер адамнан зорлық көрген қыз айыппұл төлейді
Есмағамбетова: «Қуанатындай жөніміз бар»
Сәйкес тақырыптар
Көтерілу