Жамбыл облысының әкімі Бердібек Сапарбаев жалақысының қанша екенін айтты.

Өңір басшысы журналист Нартай Аралбайұлына сұхбат берді. Әңгіме барысында Аралбайұлы әкімнен жалақысының қанша екенін сұрады.

"800 мың", – деді Бердібек Сапарбаев.

"Қолға алатыныңыз ба?"

"Иә. Менің еңбек өтілім көп қой", – деп қысқа қайырды облыс басшысы.

Сондай-ақ Сапарбаев ешқашан пара алмағанын айтты.

"Мен әр уақытта арым таза екенін айта аламын. Мен еш уақытта пара алған адам емеспін", – деді әкім.

Айта кетсек, Бердібек Сапарбаев Жамбыл облысын 2020 жылдың ақпанынан бері басқарады.