Кабул әуежайы 48 сағатқа жабылды

Oinet.kz 23-08-2021 802

"Талибан" қозғалысы (Қазақстанда тыйым салынған) арнайы күштер батальонын Кабул әуежайының қоршауына жиналған халықты тарату үшін жіберді. Мыңдаған ауған елден ұшып кетуге тырысып жатыр. "Талибан" бұйрығымен барлық азаматтық рейс тоқтатылды, әуежай екі күнге жабылады, деп хабарлайды Oinet.kz тілшісі Euronews.com сайтына сілтеме жасап.

22 тамызда әуежай маңындағы дүрбелең кезінде жеті адам қаза болған. Соңғы күндері кем дегенде 20 адам түрлі оқиға салдарынан қаза болды. Содырлар әуе айлағындағы жағдайға жауапкершілікті АҚШ-қа жүктеп отыр.

АҚШ қорғаныс министрі Ллойд Остин Пентагон президент Джо Байденге 31 тамызға дейін белгіленген эвакуация мерзімін ұзарту жөнінде ұсынымдар беретінін айтты.

- "Біз жағдайды бағалап отырмыз және мүмкіндігінше көп адамды аэродромға көшіру үшін бар күшімізді саламыз. Межелі күнге жақындап қалғандықтан президентке ұсыныстар дайындаймыз. Біз АҚШ азаматтарымен байланысу үшін және олардың аэродромға жетуіне көмектесу үшін әртүрлі әдісті қолданамыз", - деді ол.

АҚШ президенті Джо Байденнің әкімшілігі Ауғанстаннан адамдарды эвакуациялау үшін америкалық әуе тасымалдаушыларға тиесілі азаматтық ұшақтарды қолдануды ұйғарған.

Ал, билікті басып алған тәліптер жақын арада жаңа үкіметті жариялауға уәде берді.

Соңғы тәулікте коронавирустың 6 314 жағдайы тіркелді
Тоқаев Пусанда Қазақстанның Бас консулдығын ашу туралы қаулыға қол қойды
Сәйкес тақырыптар
Көтерілу