Сізде көп нәрсе жоқ... (ой салатын оқиға)

Oinet.kz 13-12-2019 2633

Бір кісі психологқа келіп, өзінің көп нәрсеге мұқтаждығын, жағдайының төмен екенін айтып шағымданады:

бақытты балалық.jpg

"Қиналған кезде қол ұшын созар нағыз досым – жоқ;

Жоғары айлығым – жоқ;

Қымбат көлігім – жоқ;

Баспанам – жоқ;

Әдемі киімдерім – жоқ;

Бұрынғыдай қайрат-жігерім – жоқ;

Осылардың барлығы бір күні болады-ау деген үмітім – ол да жоқ!"

Сонда психолог сәл ғана езу тартып, жымияды да әлгі жігітке былай дейді:

«Иә, шынымен де, сізде көп нәрсе жоқ екен. Бұл тізімді дәл бұлай бітіре салғаныңыз дұрыс болмады. «Жоқ» нәрселер сізде көп еді ғой!

Мысалы,

Бойыңызда емі жоқ жаман ауруыңыз – жоқ;

Басыңызда қарызыңыз – жоқ;

Ауру ата-анаңыз – жоқ;

Мүгедектік туралы анықтамаңыз – жоқ;

Елге жаманатты қылып, жерге қаратқан қылмыскер балаңыз – жоқ!

Сізде көп нәрсе жоқ қой! Егер жоқтарыңызды санар болсаңыз, қайғырғаннан емес, риза болғаннан бөркіңізді аспанға атып қуанар едіңіз. Сондықтан қайғырудың да жөні ЖОҚ"

Құпияға толы құйымшақ сыры
Хан әділдігі
Сәйкес тақырыптар
Көтерілу