55/13 әскери бөлімінде үйіне қайтуға екі ай қалған сарбаз Болат Батырханның денесі әскери бөлімдегі екі ғимарат қуысындағы биік темірге асылып тұрған жерінен табылды. Ақтөбелік жауынгердің үйіне оралуына небәрі екі ай қалған екен, деп хабарлайды OINET.KZ сайтының тілшісі inform.kz сайтына сілтеме жасап.

«Оқиға тексеріліп жатыр. Мән-жайды анықтайтын боламыз. Ең соңғы шешім тергеу аяқталғанда белгілі болады»,- деді ҚР Ұлттық ұланы «Оңтүстік» өңірлік қолбасшысының орынбасары Ниязтай Әлкешов. 

«Денесінде бірде-бір соққының ізі жоқ», - деген әскерилер Болат Батырханның үздік сарбаз болғандығын айтады. Оның суреті мақтаулы жауангерлердің қатарынан түспеген. 

Аталмыш әскери бөлімде бұған дейін де қайғылы жағдай тіркелген. Үш жыл бұрын прапорщик қару-жарақ қоймасында өзінің табелдік тапаншасымен атылып, көз жұмған болатын.