Айлық 75 пайызға көбейеді - министр

Oinet.kz 24-06-2022

Еліміздегі «ұлттық» статусына ие мәдениет саласындағы ұйым қызметкерлерінің еңбекақысы 75 процентке өседі. Бұл туралы Мәдениет және спорт министрі Дәурен Абаевтың министрлікке бағынысты мекемелердегі ұжымдармен кездесуі барысында белгілі болды. 

Screenshot_8.jpg

Қазір мәдениет саласында «ұлттық» статусына ие 5 ірі ұйым бар: Мұхтар Әуезов атындағы Қазақ ұлттық драма театры, Құрманғазы атындағы Қазақ ұлттық халық аспаптар оркестрі, Абай атындағы Қазақ ұлттық опера және балет театры, Михаил Лермонтов атындағы ұлттық орыс драма театры, сондай-ақ Қазақстан Республикасының Ұлттық кітапханасы. Енді аталған ұйым қызметкерлерінің лауазымдық еңбекақысы 1.75 коэффициентімен есептеліп, жалақы өсетін болады. Мысалы, 7-10 жылдық еңбек өтілі бар артистер қазір 217 129 теңге алса, 1 шілдеден бастап олардың еңбекақысы 379 977 теңгені құрайды. 

«Өздеріңізге белгілі, Мемлекет басшысы мәдениет саласын дамытуға, атап айтқанда оның қызметкерлері үшін қолайлы жағдай жасауға көп көңіл бөледі. Бұл ретте министрлік тарапынан ауқымды жұмыстар атқарылып келеді. Еңбекақыны көтеру – бұл маңызды бағыттардың бірі ғана. Сонымен қатар, біз бірқатар мәдениет нысандарын қайта жөндеу, материалдық-техникалық базаны жақсарту және қызметкерлердің біліктілігін арттыру мәселелерін қарастырып жатырмыз», – деді Дәурен Абаев.

Жаппай қашып келген украиндер Қазақстанның дамып кеткеніне таң қалып жатыр
Ресейден Шымкентке емделу үшін келген ер адам дарға асылып қалған


Сәйкес тақырыптар
Көтерілу
×