Экология және табиғи ресурстар министрлігіне жаңа басшы тағайындалды

Oinet.kz 04-01-2023 672

Зүлфия Сүлейменова ҚР Экология және табиғи ресурстар министрі лауазымына тағайындалды, деп хабарлайды Ақорда. 

Screenshot_3.jpg

Бұған дейін қызмет атқарған Серікқали Брекешев қызметінен босатылды.

"Зүлфия Болатқызы Сүлейменова Қазақстан Республикасының Экология және табиғи ресурстар министрі лауазымына тағайындалсын" делінген Президент қол қойған жарлықта.

Зүлфия Сүлейменова 1990 жылы Ақтөбе қаласында дүниеге келген.

Л. Гумилев атындағы Еуразия ұлттық университетін бітірген. Президенттік жастар кадрлық резервінің мүшесі.

Еңбек жолын 2014 жылы Жаһандық саясат және қауіпсіздік орталығының өңірлік және жаһандық қауіпсіздік бөлімінің ғылыми қызметкері болып бастады.

2020-2021 жылдары — Қазақстан Республикасының Экология, геология және табиғи ресурстар министрлігінде басшылық қызметтер атқарған.

2021 жылғы қаңтардан бастап осы уақытқа дейін VII сайланған ҚР Парламенті Мәжілісінің депутаты болды.

2022 жылы 14 наурызда Зүлфия Сүлейменова экология, геология және табиғи ресурстар вице-министрі болып тағайындалды. 

Абаев қызметінен кетті: Оралов мәдениет және спорт министрі болып тағайындалды
Қойшыбаев Премьер-Министр орынбасары – Үкімет Аппаратының басшысы лауазымына тағайындалды ​
Сәйкес тақырыптар
Көтерілу