Қарағандыда барымташылар құрықталды

Screenshot_1.jpg

Қарағандыда облыс тұрғындарынан ғана емес, Павлодар аймағынан да мал ұрлаған барымташы топтар ұсталды. Қылмыстық топтардың тұрғындарға әкелген шығыны миллиондап саналады.

Қарағанды облысында ішкі істер органдарының қызметкерлері жүйелі түрде мал ұрлығымен айналысқан 3 барымташы топты ұстады. Қазіргі уақытта осы қылмыстық топтардың 10 мүшесі уақытша қамау изоляторына тоғытылған.

«Бірінші топ өрісте жүрген 14 бас мүйізді ірі қараны ұрлап, мал иесіне 14 миллион теңге көлемінде шығын келтірген. Екінші топ ауылдасының қорасынан мал ұрласа, үшінші топ жайылымнан жылқы ұрлаған, шығын көлемі 1 млн теңге. Ұсталғандар осыған ұқсас 16 қылмысқа қатысы бар екендіктерін мойындады. Олар малды Қарағанды аймағынан ғана емес Павлодар облысының жайылымдарынан да ұрлаған», - дейді Қарағанды облыстық Полиция департаментінің баспасөз хатшысы Бақытжан Құдияров.

Төрт түлік малды қолды етіп, оңай олжа тапқысы келетіндердің жолын кесу үшін құқық қорғау қызметкерлері тұрақты түрде алдын алу шараларын өткізеді. Осыған байланысты полицейлер ауыл тұрғындарынан жайылымдағы малын қараусыз қалдырмауға, өрістегі төрт түлікті бақташыға бақтыруға, сондай-ақ, малға міндетті түрде таңба, сырға салу керектігін ескертеді.

Мүмкін сізді қызықтыратын тақырыптар:

  • Президент: «Біз бәсекеге қабілетті болуды үйренуіміз керек»
  • 7 ай ішінде қазақстандықтардың шетелге аударған қаражатының сомасы 345,5 млрд теңгені құрады
  • Елімізде 2 миллионнан астам адамға атаулы әлеуметтік көмек берілді
  • ҰҚК: «Отандық бензиннің Ресейге шығуын шектеу қажет»
  • «Болашақ» бағдарламасы бойынша кімдерге оқуға тыйым салынады?
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика