Қаңтар оқиғасы: бүйрегі істен шыққан полицей қызметін жалғастырғысы келеді

Oinet.kz 21-02-2022 796

Screenshot_4.png

Биылғы қаңтар айының басында Алматыдағы жаппай тәртіпсіздіктер кезінде полицейлер мен әскери қызметшілер қаза болды, ауыр жарақаттар алды.

Ауыр жарақат алғандардың бірі – Ғазиз Нұрғалымов. Ол – Алматы қалалық Полиция департаменті Әуезов ауданы Полиция басқармасының учаскелік инспекторы. Ішкі істер органдарында 2014 жылдан бері жұмыс істейді. Polisia.kz-тің жазуынша бүлік кезінде озбыр топтың арасында қалып қойған полицияның аға лейтенанты қазір қалалық ауруханалардың бірінде ем алып жатыр. 

 «Кешке қарай адам көбейе бастады. Адамдар аггрессивті болды. Теуіп, қалқанымызды жұлқылап, күш көрсете бастады. Бізді, әскери қызметшілерді жерге жатқызып, бастарып жарды, менің мойныма темірмен соққы жасады. Талып қалдым», - дейді ол. 

Screenshot_5.png

Қазір полицейдің бүйрегі істен шыққан. Көп жүрсе есінен танып құлайды. «Бүйрегім істемей, қан қасымым жоғарылап жатқанын айтты. Мойнымды тесіп, трубкалар қойды да, шұғыл түрде аппаратқа қосты. Көп жүруге болмайды. Диализден шаршайсың, 6 сағаттан 12 сағатқа дейін қозғалмай жатасың. Гемодиализ жасап жатыр. Көп жүрсем талып қаламын. Ауруханада жатқаныма 1 айдан асты», - дейді полиция қызметкері.

 Ғ.Нұрғалымов мұны қарапайым халық жасамағанынан сенімді. Ғазиз бала кезінен полицей болуды армандаған. Ол халық игілігі үшін қызмет етуге әрдайым дайын. 

«Ауруханадан шыққаннан кейін қызметімді жалғастырамын», - деді ол. 

Жаппай тәртіпсіздік салдарынан полицияның және Ұлттық ұланның 3037 қызметкері зардап шекті. Қазір олардың 107-сі аса ауыр жарақаттарынан ем алуда. Ішкі істер органдарының 8 қызметкері қаза болды.


Ата-ана: Баламды қару таратуға мәжбүрлеген
Халықты айыптаса да депутаттар жұмған аузын ашпады
Сәйкес тақырыптар
Көтерілу