Ежелгі адамдар қандайдабір хабарламаны беру үшін суреттерді пайдаланған. Ғалымдар ежелгі тұрғындардың қолымен салынған өте көп бейнелерді тапты. 

Уақыт өте келе адамдар суреттерден әліпби жасай бастады. Ежелгі египеттіктерде әрбір сурет бір сөздің мағынасын берген. Мысалы, күннің суреті тұрса, «күн» деп оқы, ал аяқтың суреті тұрса, «келе жатырмын» немесе «кетіп барамын» дегенді білдірген. Бірақ мұндай әліпби пайдалануға ыңғайсыз болды. Ақырындап суреттерді белгілер ауыстыра бастады. Ал 4 мың жыл бұрын әріптерден құралған әліпби пайда болды. Біртіндеп бұл әліпби ежелгі финикиялықтарға, одан кейін ежелгі Грекияға, содан соң ежелгі Рим мен Болгарияға, ол жерден Руське жетеді. Бүл 1 мың жыл бұрын болған еді.  

(«Ана тілі» газетінен)