Жат үйінде жатық бол.

Бүлінгеннен бүлдіргі алма.

Әдепті әдепсізден үйрен.

Кесірлімен керіспе,

Керме иықпен егеспе.

Толмасқа құйма, тоймасқа берме.

Өз айыбыңды өзгеден көрме,

Кісі айыбын көздеме.

Жүрсең саяқ, жерсің таяқ.

Жанжалдың шоғы қызарса,

Ақылдың суын сеп.

Етігіңді шешпей суға түспе.

Айтпас жерде аузыңды тый,

Қышынбас жерде қолыңды тый.

Бақ келсе аспа,

Сыр келсе, саспа.