Ілияс Есенберлин: Ақ қайың

Oinet.kz 22-08-2020 909

5f256977a69e98c4971a1b1737b7061c.jpg

Ектім мен ұлыма арнап тал шыбықты,

Елемей күзгі суық ызғырықты,

Еккенде ұлыма арнап тал шыбықты,

Дедім мен ақ қайыңдай өссін мықты.

Қайырмасы:

Ақ қайың - ау, ақ қайың,

Мәпелейін, баптайын.

Ұлым сендей құлпырсын,

Маңдайынан қақпайын.

Күн сүйіп, жаңбыр құшып жазға салым,

Ақ қайың төкті жасыл жапырағын...

Жайқалды жас қайыңдай ұлым - дағы

Октябрь шашып алтын күн шапағын...

Қайырмасы:

Ақ қайың - ау, ақ қайың,

Мәпелейін, баптайын.

Ұлым сендей құлпырсын,

Маңдайынан қақпайын.

Қос қайың күннен-күнге құлпырады,

Жүрекке керген сайын жыр туады,

Тілеймін солар үшін сөнбесін деп,

Көкте күн, жерде Октябрь күн шуағы.

Ілияс Есенберлиннің махаббат туралы айтқандары
Ілияс Есенберлин: Көңіл — дастан
Сәйкес тақырыптар
Көтерілу