Мұхтар Шаханов: Махаббаттың жазылмаған заңы

Oinet.kz 22-08-2020

Қазақша өлең: Мұхтар Шаханов (Тілек) » KZ » Білім » Өлеңдер

Жол бұралаң, сезім тура, oй тура,

Жол түскен соң болмас кейін қайтуға.

Сүйген адам сезімі үшін бақытты,

Болмайды оны бақытсыз деп айтуға.

Бұл жайлы көп мұңдаудың не орны бар,

Жандар да бар пәк сезімді қор қылар.

Махаббатты үйлену деп ойлайды

Құдіреттің құнын білмес сорлылар.

Аз ба өмірде жылап жүріп күлгендер,

Құр күлкінің қасіретін білгендер.

Ойлашы өзің, аз ба мынау әлемде

Сүймей, сенбей тағдыр қосып жүргендер.

Өмір солай, күйзеліс көп, жұлқыс көп,

Болсын, мейлі, дінің түзу, тұрмыс тоқ,

Сүймей, сенбей тағдыр қоссаң біреумен,

Махаббатта бұдан асқан қылмыс жоқ.



Сәкен Сейфуллин. Туған жерім - өз елім
Сәкен Сейфуллин. Қамаудан

Сәйкес тақырыптар
Көтерілу
×