Австралия тұрғыны жыланның кесірінен мүлдем иіс сезбей қалды. Ер азаматты аулада улы жылан шағып алған. Өз аяғымен ауруханаға барған науқасты дәрігерлер тексеріп, уын қайтарған. Жарасы жеңіл болғасын ақ халаттылар қосымша ем-домның қажеті жоқтығын айтады.

Алайда бірнеше күннен кейін пациент айналадағы иістерді сезуден қалды. Ауруханаға қайта барғанда дәрігерлер оған аурудың жылан уының кесірінен болғанын айтады. Өкініштісі сол, науқастың иіс сезу қабілеті қайта қалпына келмеді.