Бөлме өсімдіктері үй ішіне сән беріп қана қоймай сонымен қатар ауаны да тазартатыны белгілі. Бүгінде медицина мамандары бөлме өсімдіктерінің адам денсаулығына пайдалы екенін айтуда.

Мәселен   хлорофитум гүлін әсіресе жатын бөлмеде өсіру көптеген аурудың алдын алады екен. Ол жағымсыз энергетиканы өзіне сіңіріп алатын табиғи сүзгі.  Өсімдік бөлме ішін  ауаға тараған химиялық қоспалардан ғана емес сонымен қатар  жұқпалы ауруларды тарататын вирус, бактериялардан да қорғайтын көрінеді.  Ғалымдар хлорофитум өсіп тұрған бөлмеде ұйықтайтын адамдардың тұмауға сирек шалдығатынын дәлелдепті.