Эпидемиялардың адамзат тарихындағы өзіндік орны бар. Кейде соғыстан гөрі індеттің құрбандары көп болған замандар да өтті. Әдетте эпидемия ретінде белгілі-бір географиялық мекенде, мәселен, қалада көптеп шоғырланған адамдардың қандай-да жұқпалы ауруға шалдығуын айтады. Аурудың ауқымы бұл шеңберден де шығып кетсе, пандемияға ұласады.    

Юстиниан обасы

Бұл жұқпалы ауру алғаш рет 541 жылы Византияда тіркеліп, шамамен 100 миллион адамның өмірін қиды. Жерорта теңізінің шығыс жағалауында сол заманда әрбір төртінші адам обаның кесірінен жан тапсырған. Бұл пандемияның қасіреттілігі сондай, бір кездері бүкіл әлемге билік жүргізіп отырған Византияның құлауына тікелей әсерін тигізді.