Би жөнінде шариғат не айтады?

Oinet.kz 11-11-2019 1602

биші қыз.jpg

Қызым би билегенді өте жақсы көреді. Оны би мектебіне беруіме бола ма? Жалпы, би жөнінде шариғатта не айтылғанын білгім келеді.

Балиғатқа толған қыздың бөтен ер адамдармен билеуіне немесе бөтен ер адамдардың алдында билеуіне болмайды, сондықтан би үйренудің сондай қажеті жоқ. Балиғат жасқа толғанша қыздар ұлдармен билеп, бірге ойнауларына болады, бірақ кішкене күнінен балаларды белгілі мінез-құлық шеңберін сақтауға үйрету қажет. Қызыңызды би билетіп қалың жұрттың алдына шығарғанша, Құран оқып үйренуге немесе аспаздық қабілетін арттыратын үйірмелерге беруге кеңес берер едік.

Ислам шариғат турасынан рұқсат етілген әрі заңды деп танылған көңіл көтеру түрлеріне шек қоймайды.  Еркектер мен әйелдер бір-бірлерінен бөлек жерде көңіл көтере алады. Алайда еркектер мен әйелдердің бірлесе отырып көңіл көтеруі рұқсат етілмегендіктен, бекітілген қағидалардың бұзылуының себебіне айналып кетуі мүмкін. Ал би — өздігінен тыйым салынған болып саналмайды.

Сонымен, егер адам діннің ұйғарымы мен тыйым салуларын сақтай отырып, шариғат талаптарына сай жерлерде бимен айналысатын болса, онда тұрған еш әбестік жоқ. Алайда бидің өзінде немесе би байқауларын өткізуде Ислам тыйым салған элементтердің болуы, оның рқұсат етілмеуіне әкеліп соғады.

дереккөз: asyldin.kz

Қаза оразаны келесі жылға дейін өтеудің дәлелі бар ма?
Марқұмдар бұл дүниеде не болып жатқанын біле ала ма?
Сәйкес тақырыптар
Көтерілу