Қазақстанда өткен тәулікте коронавирус пен пневмониядан 35 адам көз жұмды, деп хабарлайды Oinet.kz тілшісі.

Қазіргі уақытта 25650 адам коронавирус инфекциясынан емдеуді жалғастыруда, оның ішінде 105 бала бар. Ауруханаларда 4713 пациент, амбулаториялық деңгейде 20 937 науқас бар. 246 адамның жағдайы ауыр, 69-ы нашар халде, 70-і өкпені жасанды желдету аппаратына қосулы. 

Жалпы, елде коронавирустан 1269 адам қайтыс болды. 35 жағдайдың 12-інде ПТР тесті теріс нәтиже көрсеткенін, қалған 23 жағдайда оң нәтиже бергенін айта кету керек. 

Сонымен қатар, өткен тәулікте коронавирус инфекциясының 741 дерегі және коронавирус белгілері бар пневмонияның 159 жағдайы расталды.