Қазақстанда қашықтан оқыту барысында тағы да порнография қосылды

Oinet.kz 08-09-2020 925

Қазақстанда мектеп оқушыларының қашықтан оқуы барысында тағы бір мәрте порнграфиялық бейнежазба қосылды. Бұл жолы баласының сабағы кезінде балағат сөздер естіп, анайы видеоны байқап қалған алматылық әйел әлеуметтік желіде өз шағымын жеткізді, деп хабарлайды Oinet.kz ақпарат агенттігі. 

image.png

Білім және ғылым министрлігіне үндеу жолдаған Татьяна Голубева есімді желі қолданушысының жазбасы "Дежурный по городу" Facebook парақшасында жарияланды. 

- "Білім және ғылым министрлігі, санитарлық дәрігерлер мен қала әкімдігіне үндеу жасаймын. Менің балам бесінші сыныпты қашықтан оқып жүр. Бейсенбі күні біздің оқушылар Zoom арқылы өтіп жатқан сабақ кезінде жаман сөздер кездесетін ән тыңдап, балағат сөздер естіген. Ал бүгін порнографиялық видео қосып жіберді. Ата-аналар бұл жағдайды біліп, жағамызды ұстап отырмыз. Бұл кәмелетке толмаған балаларды азғындыру ғой! Бұған кім жауап береді? Біздің балаларға Қазақстанның Конституциясына сәйкес мектепте білім алуға рұқсат етіңіздер!" - деп жазыпты алматылық әйел.

Tengrinews.kz порталына берген сұхбатында Татьяна Голубева ата-аналар өз балаларын қашықтан оқытуға тыйым салу туралы ойластырып отырғанын жеткізіпті. 

- "Ең алғашқы рет анайы видеоларды жұма күні көрсеткен. Бүгін тағы бір рет қайталанып отыр. Кейбір балалар 11 жаста болса да балалардың қалай дүниеге келетінін білмейді ғой. Мұны көрген олардың психологиясына қалай әсер еткенін айтсаңыздаршы! Бірінші рет көрсетілгеннен кейін мен өзімнің балама барлығын бастан аяқ түсіндіруіме тура келді. Бірақ болған жайт барып тұрған сорақылық қой! Бұл платформа оқуға мүлдем арналмаған", - дейді әйел. 

Мемлекет пәтер жалдау ақысын төлеп береді
Бүгін Мәжіліс депутаты Азат Перуашевтың туған күні
Сәйкес тақырыптар
Көтерілу