Жамбыл облыстық Полиция департаментінің бастығы Жанат Сүлейменов қайтыс болды. Ол өзіне қол жұмсаған. Түрлі дерек бойынша ол трибуналға тартылып жазаланбақшы болған.

Дегенмен Orda.kz сайтының хабарлауынша, генерал Жанат Сүлейменов митинг кезде қарамағындағыларға халыққа оқ атпауды бұйырған. 

Жалпы жаппай тәртіпсіздік кезінде Жамбыл облысында 15 адам қаза тапқан. 

Тараз қаласында террорлық шабуыл кезінде он шақты қарулы қылмыскердің көзі жойылып, 269 бүлікші ұсталды. 7 полицей жараланып, екеуіне оқ тиген. Аймақта ахуал тұрақты болғанымен қауіп әлі сейілген жоқ. Бүлікшілерге қарсы арнайы әскери операция әлі де жалғасып жатыр. Президент елдегі жағдайға байланысты бірқатар тапсырма берді.