«Қызыңды жоғары оқу орнына грантқа түсіріп беремін деп» алдаған әйел анықталды

Oinet.kz 18-08-2022 776

Шардара АПБ-ға арызданып келген жергілікті тұрғын алаяқтықтың құрбаны болғандығын жеткізді.  Яғни танысы 2020 жылдың желтоқсан айында "қызыңды жоғары оқу орнына грантқа түсіріп беремін" деп сеніміне кіріп, 1 000  000 теңгесін алған. Аталған жайтты тәртіп сақшылары ҚР ҚК-нің 190-бабы "Алаяқтық " бойынша тіркеді.

Screenshot_1.jpg

Шардаралық  тәртіп сақшылары тұрғынды алдап, ақшасын алып кеткен күдіктіні  қолға түсіріп, қылмысты ашу мақсатында іздестіру шараларын жүргізді. Қажетті деп танылған барлық іс-шараларды жүзеге асырды. Нәтижесінде  полиция қызметкерлері  күдікті ретінде жұмыссыз, Алматы қаласының тұрғынын анықтады.  

Белгілі болғандай, сезікті әйел Шардараға қыдырып келген. Ал алаяқтықпен алған ақшаны өз қажеттілігіне жаратып жіберген. Тәртіп сақшылары күдіктінің бұдан басқа да қылмыстарға қатыстылығын анықтау үстінде.

Бүгінгі таңда  алаяқтық жолмен азаматтарды алдап, сенімге кіріп, соңында полицейлердің көмегіне жүгініп жатқандар көбеюде. 

Сондықтан облыс полицейлері мүмкіндігінше сақ болып, кез келген адамға артық сенім білдірмеу керектігін айтады.

Ақтауда пәтерлердің бірінен ер адам мен әйелдің мәйіті табылды
Шымкентте «Әділдікті талап ет!» акциясы басталды
Сәйкес тақырыптар
Көтерілу