Қожа Ахмет Ясауи кесенесіне келушілерге тегін қарбыз таратылды

Screenshot_2.jpg

Бүгін "Әзірет Сұлтан" мемлекеттік тарихи-мәдени қорық-музейіне келуші қонақтарға Түркістан қаласындағы кәсіпкер  Ілесбек Арынов 5 тонна қарбызды тегін таратты.

Қауын - қарбыз өсіріп, егін шаруашылығы арқылы несібесін терген еңбекқор диқан биылғы өнімінің алғашқысын қасиетті орталық Қожа Ахмет Ясауи кесенесіне келушілерге  ұсынудан бастауды жөн санапты.

-"Қазақта "Кең болсаң, кем болмайсың" деген сөз бар. Несібеміз де, берекеміз де бір Алланың бергені. Түркістанға шөліркей жеткен, бабалар рухына тағзым етуге келген жандардың ақ батасын алып, егістік алқабының әрбір піскен өнімін алғыспен жұлсақ, шын еңбегіміздің ақталғаны. Түркістанымыз облыс орталығы атанып, гүлдену, түрлену қарқынына бой алдыруда. Туған жерімізге келген қонақтарға қуаныш сыйлауға азаматтық үлесімді қосқым келді. Бұл ұсынысымды "Әзірет Сұлтан" қорық-музейі ұжымы да қуана құп алды",- деді Ілесбек Арынов.

Мұндайды күтпеген алыс-жақын жерден келген зияратшылар диқанға алғыстарын білдіріп, ақ  баталарын берді.

Айта кетсек, жаны жомарт  Ілесбек Арынов 2017 жылы да  дәл осындай игілікті іс жасап, қасиетті мекенге жазғы ыстықта жеткен келушілердің ықыласына бөленген болатын.

"Әзірет Сұлтан" мемлекеттік тарихи-мәдени қорық-музейінің баспасөз қызметі

Мүмкін сізді қызықтыратын тақырыптар:

  • Білім министрі әжетхананы күзетпегені үшін ұсталған мұғалімді қорғады
  • «Жеті рухани қазық» облыстық форумы өтті
  • Тәуелсіздік күні қарсаңында Ордабасыда 2 мектеп, 1 балабақша пайдалануға берілді
  • «Хан Шатыр» сауда үйі өртенді
  • Белгілі қазақ академигі Сұлтан Сартаев дүние салды
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика