Нью-Йорк штатында 33 жастағы ер адам жүкті әйелін қатыгездікпен өлтіріп, екі қызына пышақпен шабуыл жасаған, деп хабарлайды Oinet.kz тілшісі Alash.kz-ке сілтеме жасап.

Бұл қайғылы оқиға үшінші баласының тағы да қыз болатынын естіген соң орын алған.Қанды оқиға 2024 жылдың қыркүйегінде Мейсонвилл қаласында болған.

Дрю Гарнье есімді ер адам бес айлық жүкті 29 жастағы әйелі Самантаға шабуыл жасаған. 

Әйелі мен ішіндегі туылмаған қыз бала қаза тапты. Осыдан кейін ол 6 жастағы Иззи мен 9 жастағы Аделина есімді қыздарына да пышақпен тап берген. Екі қыз тірі қалғанымен, ауыр жарақат алған.

Тергеу кезінде Гарнье жасаған ісін мойындады. Тергеушілердің айтуынша, шабуыл жасауына басты себеп – оның баласының ұл болмайтынына көңілі қалғаны.

Сот ер адамды кінәлі деп тауып, 30 жылға бас бостандығынан айыру жазасын тағайындады. Бұған қоса, түрмеден шыққаннан кейін тағы 15 жыл бойы бақылауда болады.

2056 жылға дейін оған қыздарымен байланысуға тыйым салынды – тек қыздары өз еркімен кездескісі келмесе.

Қазір қыздар анасының әкесінің қамқорлығында.