Мирас Асан. Бітпеген бүгінгі дау - кешегі егес

Oinet.kz 01-09-2020

***

Бітпеген бүгінгі дау - кешегі егес,

Көз алды көне керуен көшеді елес...

Дауығып алған бұл күй мәңгі мендік,

Сауығып сыртқа шығар шешек емес...

image.png

Балаққа шұбатылып шынжыр қоғам,

Тамаққа тіреледі қынжылған ән...

Әзіл сөз тісімдегі тым жылмақай,

Әділ сөз ішімдегі мың жыл бодан...

*

Бостандық айтам жырын сөзім ұшып,

Бодандық артам жүгін тезі қысып...

Әз басым ермек екен, ел тепкілеп,

Көз жасым кермек екен, өзім ішіп...

*

Шыжық боп содан ылғи қызық көп кей,

Өте алмай арғы бетке жүзіп беттей,

Өрнегін өлеңімнің бұзып алмай,

Өрмегін шешекемнің үзіп кетпей...

Астана, 2018

Мирас Асан. Бізді де ел ақын дейді ел қамын жер
Мирас Асан. Арулар өмір гүлі
Сәйкес тақырыптар
Көтерілу
×