Тіс жұлдыру – ағза үшін кез келген ота секілді күйзеліс. Сол себепті тіс жұлғаннан кейін өте сақ болған жөн. Әсіресе темекі мен ішімдікке жоламаңыз. Темекі тарту мен алкоголь ішу қан ағуға итермелейді, тітіркендіреді және шырышты қабыққа індет жұқтырады. Жара жылдам жазылу үшін тіс жұлғанға дейін 1 күн және оны жұлғаннан кейін 1-2 күн темекі тартпауға тырысыңыз. Алкоголь тіс қуысын жұқпадан қорғап тұрған қанды ерітіп жібереді. Сондықтан тіс жұлғаннан кейін 3 күн шамасында алкоголь ішпеңіз.