Түркіменстанның қазіргі президенті Гурбангулы Бердімұхамедовтың құрметіне Ашхабад қаласының қақ ортасына қойылған "Аркадаг" монументі.

Атақты "Ақалтеке" атын мініп тұрған Бердімұхамедовтың ескерткіші 24 караттық алтынмен апталған екен.Бұл монумент 2015 жылы ашылды. Ескерткіштің биіктігі 21 метр болса, астындағы 15 метрлік постаменттің өзі таза мәрмәрдан құйылған. Монумент авторы Сарагт Бабаев есімді жергілікті скульптор. Ал, "Аркадагты" жасау идеясын Түркімен сыртқы істер министрі Рашид Мередов ұсыныпты.

Айтпақшы, өзі жоқтың көзі жоқ деген. 2006 жылы Түркіменстанның бірінші президенті Сапармұрат Ниязов өмірден өткеннен кейін Ашхабаттың қақ ортасында тұрған 87 метрлік Түркіменбашының алтын жалатылған ескерткіші қаланың шетіне шығарылып тасталды. Оның орынына бүгінде "Аркадаг" монументі асқақтап тұр...

Айбол Қарашевтың әлеуметтік желідегі парақшасынан