Жер бетінде шаяндардың 40 мыңға жуық түрі өмір сүреді. Олар суда да, құрлықта да тіршілік ете алатыны белгілі. Бұршақ таңқышаян - шаяндардың ең майдасы. Ең ірісі - жапон таңқышаяны. Оның аяқтарымен қосқанда көлемі екі метрге жетеді. Ал сіз шаяндардың ысқыра алатынын білесіз бе? Бұл жәндіктердің кейбір түрлері дыбыс шығарып, ысқыра алады. Олар бұл мүмкіндігін өздеріне қауіп төнгенде және бір-бірімен тілдесу үшін қолданады екен. Ысқырықты шаяндар шымшуырлары арқылы шығарады. Шымшуыры жоқ лангустар (шаянның бір түрі) дыбысты ұзын мұрттары арқылы жүзеге асыра алады.