Ағылшын тілінен "upcycling" сөзі "қайтадан пайдалану", "қайта өңдеу", "заттардың екінші өмірі" деп аударылады. Осыдан-ақ мағынасы да түсінікті болар. Бұл қолөнер, шығармашылық процесс, хобби және қоқысты өңдеудің өзіндік түрі, нәтижесінде күнделікті тұрмыста жаңа, өте пайдалы заттар алынады.

Бұл термин ең алдымен Германия елінен шыққан. 90-шы жылдардың өзінде қымбат, бірақ пайдаланудан шыққан заттар мен материалдарды қайтадан пайдалану қаншалықты пайдалы және тиімді деп ойлана бастаған. Мұндай тәжірибе қарапайым адамдар арасында ғана емес, тұтас жобалар құрылатын мемлекеттік және коммерциялық деңгейде де белсенді қолданыла бастады. Мысалы, бұзылған ескі ғимараттардан қалған мұқият сұрыпталған материалдарды қайта пайдалану жөніндегі жобалар.