Алматыда аялдамада егде жастағы әйелге шабуыл жасаған күдікті ұсталды.

Әлеуметтік желіде тараған видеода белгісіз ер адамның қарт әйелге еш себепсіз тап беріп, оны ұрып жатқан сәті бейнеленген. Бұл жағдай қоғамда үлкен наразылық тудырып, желі қолданушылары кінәліні қатаң жазалауды талап етті.

 “Kozachkov offside”-дың жазуынша кейін полиция аталған оқиғаға қатысы бар күдіктіні ұстағанын мәлімдеді. Ол – 26 жастағы Илья Теренов. Белгілі болғандай, ер адам бұған дейін абайсызда адам өлтіру бабы бойынша сотталып, екі жылға бас бостандығынан айырылған.

Қазір бұл дерек бойынша «Бұзақылық» бабы аясында қылмыстық іс қозғалып, тергеу амалдары жүргізіліп жатыр.