Шымкент қаласында травертин өндіретін «Бесқұдық тас» зауыты еліміздің индустриялық-инновациялық бағдарламасы аясында іске қосылған. «Оңтүстік» индустриалды аймағында орналасқан өндіріс орнындағы үш цехта тасты қайта өңдеп, құрылысқа қажетті пішіндегі материалдар шығарады.

Кәсіпорын тәулігіне 1000 шаршы метр өнім өндіруге қауқарлы. Өнімдердің 80 пайызы ішкі нарықты қамтуға бағытталған. Дайындалған травертин материалдар қаладағы көпқабатты тұрғын үйлердің қасбеттеріне, әр түрлі декортивті ескерткіштер мен мүсіндерге қолданылып отыр.

–Кәсіпорыннан ешқандай қалдық шығарылмай қайта өңделеді. Үш цехта да тас кесу жұмысы сумен бірге атқарылады. Кесуде қолданылған су 400 тонналық 5 бассейнге жиналады. Құрамындағы майда тас қиыршықтары сүзгіден өткізіліп, оны гидроқысым арқылы 4 түрлі кірпіш өндіріледі,-деді «Бесқұдық тас» ЖШС директорының орынбасары Жаңабек Сопаев.

Сонымен қатар, бұл жерде өндірілген тас өнімдері сапа стандартына сай келеді. Әрі радиация бөлмейтін  таза экологиялық тауар саналатындықтан алыс жақын шет елдерден сұраныс артып келеді. Бүгінде Өзбекстан, Ресей және БАӘ елдерінен де тапсырыс түсіп отыр.

Өндіріс орнында 100-ден аса адам тұрақты жұмыспен қамтылған. Алыс ауданнан келетін жұмысшылар үшін 45 адамға арналған жатақхана да қарастырылған. Сондай-ақ, жұмысшылар үш мезгіл ыстық тамақпен қамтамасыз етілген.

Екі ауысымда жұмыс істейтін өндіріс орнында 40-тан астам қызметкер бар. Барлық құрал-жабдық автоматтандырылған. Түркия мен Қытай мемлекеттерінің озық үлгідегі жабдықтары мен техникалары пайдаланылады. Сондықтан, зауыт қол күшіне мұқтаж емес.

«Біздің өз карьеріміз бар. Ол Сарыағаш ауданында орналасқан. 100 пайыздық Қазақстандық қолдауға иеміз. Күн ара 1000 кв метр дайын өнім өндіре аламыз. Жылына 250 мың кв метр. Кәсібімізді Астана қаласынан да филиалымызды ашымыз деп отырмыз. Біздің басты басымдығымыз ол тауар құны өзге компаниялармен салыстырғанда, 30-40 пайызға дейін төмен»,- дейді «Бесқұдық тас» зауытының коммерциялық директоры Еділ Ахметов. 

Жылына 350 мың шаршы метрге дейін тас өңдейтін алып зауытта құрылысқа қажетті түрлі пішіндегі материалдар шығарады. -40, +40 градусқа төзімді тас өнімдері сапа стандартына сай келеді. Әрі радиация бөлмейтін  таза экологиялық тауар саналады. 

Травертин кәсібі – табиғи тасты карьерден өндіруден бастап, оны кесу, жылтырату, өңдеу және дайын өнім ретінде нарыққа шығару кезеңдерін қамтитын күрделі әрі жоғары технологиялы сала. Бұл тас интерьер мен экстерьер материалдары ретінде кең қолданылады: ғимараттардың қасбеттерін қаптауда, еден және қабырға жабынында, баспалдақтарда, сәндік элементтерде үлкен сұранысқа ие. Травертин бизнесінің дамуының бірнеше себебі бар. Біріншіден, құрылыс нарығында табиғи материалдарға сұраныс жоғары. Тұрғын үйлер, қонақ үйлер, әкімшілік ғимараттар, мейрамханалар мен коттедждер дизайнында табиғи тастар сән мен мәртебенің белгісі саналады. Екіншіден, травертин ұзақ жылдарға шыдамдылығымен ерекшеленеді. Ылғалға төзімділігі, температуралық өзгерістерге берік болуы оны Қазақстанның климаттық жағдайына өте қолайлы материалға айналдырады.

Травертин кәсібі – Қазақстан үшін болашағы зор, нарықтық сұранысы жоғары сала. Бұл бизнес экономикалық пайдамен қатар, құрылыс мәдениетінің дамуына, сапалы әрі эстетикалық материалдардың қолжетімді болуына ықпал етеді. Травертин өндірісі – еңбек пен технологияның үйлесімі арқылы құнды өнім шығаратын, өңірлік кәсіпкерліктің маңызды бөлігіне айналған жаңа бағыттардың бірі.