Шымкентте бензин тасымалдайтын КамАЗ аударылды

Oinet.kz 17-02-2020

de8f7e61-e329-4860-9d70-cdda52acb793.jpg

2020 жылғы 17 ақпанда сағат 12:28-де Шымкент қаласы ТЖ департаментінің жедел кезекшілеріне бензин тасымалдайтын машинаның аударылып кеткені туралы хабарлама келіп түсті. 

Қалалық төтенше жағдайлар департаментінің хабаралуынша,  оқиға Қаратау ауданы, Бәйдібек би көшесі, Бозарық тұрғын алабындағы айналма жолында орын алған. Тасымалдау машина жалпы сыйымдылығы 23 тонналық «Камаз»(бензовоз) жүк көлігі «Гелиос» ЖШС-на қарасты. Алдын ала болжам бойынша жүргізуші рөлді басқара алмай, автокөлік бір бетіне аударылып, көліктегі АИ-95 маркалы бензин төгілген. Оқиға орнында өрт болған жоқ, ешкім зардап шеккен жоқ. Сондай-ақ, қауіпсіздікті сақтау мақсатында өрт сөндірушілер төгілген мұнай өнімдеріне «Пурга-5» маркалы көбік шашқан. Қазіргі уақытта төгілген жанар-жағар майдың көлемі анықталуда.

Оқиға орнына Шымкент қ. ТЖД Өрт сөндіру және авариялық-құтқару жұмыстары қызметінің  жеке құрамында 26 қызметкер, 4 дана техникасы, «Апаттар медицинасы орталығы» филиалының 1 техникасы мен 3 қызметкері және Шымкент қ.Полиция департаментінің мамандары жұмылдырылды.   


Павлодар облысында төрт бала ыстан уланып қалды
Шымкентте қару жасап, өткізген қылмыстық топ сотталды
Сәйкес тақырыптар
Көтерілу