Түркия Қазақстанмен әуе қатынасын тоқтатты

Oinet.kz 08-08-2020 798

Түркия кей елдермен, соның ішінде Қазақстанмен жолаушы тасымалын тоқтатты. Бұл туралы Түркияның Қазақстандағы елшілігі Twitter-дегі парақшасында мәлімдеді, деп хабарлайды Oinet.kz тілшісі.

photo_70472.jpeg

Елшілік бұл шешім Түркия мен Қазақстан арасында жолаушылар тасымалын жүзеге асыратын барлық әуе компаниясына қатысты екенін нақтылады. Шешім қабылданғаннан кейінгі соңғы рейстер 5 және 6 тамызда орындалды. 

Рейстерді қайта бастау туралы мәселе пандемияға байланысты қаралады.

"Түркия бауырлас Қазақстанның коронавирус пандемиясымен күрес аясында қабылдаған шараларын бағалайды", - делінген хабарламада. Елшілік өкілдері осы уақытқа дейін Түркиядан Қазақстанға екі рет медициналық көмек жеткізілгенін атап өтті.

Еске салайық, бұған дейін Мәдениет және спорт министрлігі Туризм индустриясы комитетінің төрағасы Дастан Рыспеков 10 тамыздан бастап Түркияға туристік рейстерді қайта бастау жоспарлары туралы мәлімдеген болатын.

Қазақстанда халық санағы 2021 жылға шегерілді
​Қазақстанда бір тәулікте коронавирустан 29, пневмониядан 17 адам қайтыс болды
Сәйкес тақырыптар
Көтерілу