Путин Таулы Қарабақта қанша адам қайтыс болғанын айтты

Oinet.kz 23-10-2020

Таулы Қарабақта жаңа қақтығыс басталғалы екі жақтан бес мыңға жуық адам қайтыс болды. Бұл туралы Ресей президенті Владимир Путин "Валдай" талқылау клубында айтты, деп хабарлайды Oinet.kz  РИА Новости порталына сілтеме жасап.

image.png

- "Екі жақтан да қайтыс болғандар көп. Біздің мәліметімізше, әр тараптан екі мыңнан аса адам көз жұмған. Жалпы қайтыс болғандар саны бес мыңға жетіп қалды", - деді Путин. 

Айтуынша, Қарабақтағы жағдайды реттеу үшін екі тарап ымыраға келуі керек. 

- "Ең алдымен оқ атуды тоқтату керек. Ымыраға келгенін қалаймын. Мен президент Әлиевпен де, премьер-министр Пашинянмен де тығыз қарым-қатынас жасаймын. Олармен күніне бірнеше рет телефон арқылы сөйлесемін. Бірнеше рет", - деді Ресей президенті.

Еске салайық, 27 қыркүйекте таңертең Армения мен Әзербайжан арасындағы қақтығыс шиеленісті. Таулы Қарабақта соғыс жағдайы енгізілді. Армения да Қарабақтағы оқиғаларға байланысты әскери жағдай мен жалпы мобилизация жариялады.

Соңғы тәулікте коронавирус жұқтырғандар саны артты
Марқұм депутаттың соңғы ұсынысы орындалатын болды
Сәйкес тақырыптар
Көтерілу
×