Белгілі қоғам белсендісі Жанболат Мамай Жаңаөзен оқиғасына қаншалықты қатысы барын жеткізді. Бұл туралы ол Нартай Аралбайұлымен сұхбат барысында айтты. 

Нартай Аралбайұлының "Жаңаөзен оқиғасынан кейін неге Козлов ұзақ уақытқа сотталды, Жанболат Мамай жазадан құтылып кетті? Неліктен? - деген сауалына қоғам белсендісі өз жауабын берді. 

- Жаңаөзен оқиғасы кезінде біз Болат Атабаев екеуіміз бірге шықтық түрмеден. Бірінші Болат Атабаев шықты. Жаңаөзен оқиғасы туралы айтатын болсам сол Владимир Козловтың өзінің пікірін айтайын. Владимир Козлов өзінің пікірін ашық айтты: "Жанболат маған ешқандай сатқындық жасаған жоқ. Ешқандай маған қарсы показание берген жоқ. Дәлелдеме берген жоқ". Шын мәнінде солай ғой. Барлық іс-қағаздар бар. Мен ол жерде бірде-бір адамға қарсы, Жаңаөзен оқиғасына қарсы куәлік еткен жоқпын. Оны Козлов та айтып отыр. Артатын ешқандай кінәм де, айыбым да жоқ - деді Жанболат Мамай.