Тіс щеткасын қалай таңдау керек?

Oinet.kz 04-06-2020 895

Қол немесе электрлі тіс щеткасы? 

Қазір электрлі тіс щеткалары адамды таңғалдырмайды. Себебі дүкеннен оның түр-түрін және қолжетімді бағаға кездестіруге болады: олардың басы айналатын механикалық түрінен бастап жоғары-төмен қозғалатын дыбыстық түрлеріне дейін бар. Мұндай гаджеттердің бір артықшылығы –  тістерді мұқият тазалауы және тіс етіне түсетін қысым деңгейін реттеуге көмектесуі. Бізге бала кезден таныс мануалды немесе қол щеткалары – ең кең тараған тіс щеткалары. Олар ауыз қуысы гигиенасының базалық заты. Дәрігер-стоматолог Ілияс Жүнісбектің айтуынша, әр адамда тіс щеткасының екі түрі де болғаны дұрыс.

image.png

Синтетикалық немесе табиғи тіс щеткасы? 

Өндірушілер өнімдерінің толық органикалық заттан (ағаш, табиғи талшықтар) жасалғанын айтқанымен, ол тіс щеткасы үшін әркез артықшылық бола бермейді. Себебі бұл материалдар жоғары кеуектілікке ие, яғни, бактериялардың таралуына жақсы орта болып келеді. Сондықтан мамандар синтетикалық материалдардан жасалған щеткаларды ұсынады.

Жұмсақ немесе қатты тіс щеткасы? 

Жұмсақтық деңгейін таңдау ауыз қуысы мен тіс етінің жағдайына, ортопедиялық құрылым мен импланттың болуына және тіс жегі мөлшеріне байланысты. Өте қатты қылтандар эмальді зақымдауы, тіс етін қанатуы және стоматитке әкелуі мүмкін. Негізі тіс щеткасының қажетті қаттылығын тіс дәрігері ауыз қуысын қараған соң айтып беруі тиіс. Өте жұмсақ қылтандар, әдетте, тісті дұрыс тазаламайды. Бірақ ол жақында тіс жұлдырған немесе тіс емдеткен адамдарға пайдалы. Ең дұрысы – қаттылығы орташа щетка алу. Ол қауіпсіздеу әрі тісті дұрыс тазалай алады. Сондай-ақ қылтандары түрлі ұзындықтағы щеткаға мән берген жөн. 

Өкпе мен бүйректің «жауы»
Польза донорства крови
Сәйкес тақырыптар
Көтерілу