«Ұлым орыс мектебінде оқиды»: Мөлдір Әуелбекова ұлын ренжітіп алғанын айтты

Oinet.kz 20-03-2024 999

Танымал әнші, “Құрмет” орденінің иегері Мөлдір Әуелбекова бала тәрбиесі туралы ойын бөлісті. Ол екі баласына қандай тәрбие беріп жатқанын Medina Style youtube арнасына айтып берді, деп хабарлайды Oinet.kz тілшісі.

Screenshot_1.jpg

Өнер иесі жалғыз өзі ұлы мен қызын бағып отыр. Екінші некесі де сәтсіз болып, ажырасып кеткен еді. 

“Балаларыммен көбірек уақыт өткізуге тырысамын. Ұлым өте ақылды болып өсіп келеді. Жиі сырласамын. Бірақ қызыма көбірек уақыт бөледі екенмін. Ұлым соны байқап қалыпты. Қызымның бала күтушісі бір аптаға сұранып кетіп еді. Балам мазасыз болып, жылай бастады. Өйткені қызыма көбірек көңіл бөліп қойыппын. Жұмысқа кетсем, 50-60 рет хабарласып, жылап тұратын. Мен түсінбей жүрдім. Осыған дейін мазасыз болған емес. Сөйтсем, бір күні балам “Айаруды ғана еркелетесіз. Маған көңіл бөлмейсің” деді. Содан кейін барып, қателескенімді түсіндім”, – деді әнші. 

Өнер иесі ұлының білімді, ақылды жан-жақты болып өсуін қалайды. Сол үшін балаларының болашағы үшін ұстаз таңдайтынын жасырмады. 

“Қазір түрлі қосымша білім беретін үйірмелер бар. Мен ұлыма ұстазды таңдадым. Бірнәрсе айтсам, қатты таңғалып қаласыздар. Менің ұлым орыс мектебінде оқиды. Сол мектептен алғаш рет ашылған қазақ сыныбына барды. Гүлдана апайымыз өте керемет адам. Ұлым сол кісінің сабағын мақтап, қалмауға тырысады. Ойнатып жүріп, сабақ түсіндіреді. Бірақ біздің үйде әкеміз орысша сөйлеуге рұқсат етпейді. Ауладан шыққанда неше түрлі тілде сөйлей береміз. Керемет білім беретін, ақылы мектептердің барлығына барып көрдім. Балам даярлық сыныпта оқыған мектебінде қалғысы келді. Апайын қимай қалды”, – деп жан сырын ақтарды өнер иесі. 

«Әйел керек кезде ауызын жабуы керек»: Абай Бегейдің әйелі отбасындағы жанжал туралы ойын айтты
«Жай ғана жолы болғыштар»: Тоқаевпен кездескен блогерлер мен әншілер сынға қалды
Сәйкес тақырыптар
Көтерілу