Шымкент қаласы соңғы жылдары азық-түлік және сусын өндіру саласында аймақтық орталыққа айналып үлгерді. Сол өндіріс орындарының ішінде ерекше қарқынмен дамып, нарықта танымал брендке айналған кәсіпорындардың бірі AQUA ROSSA ауыз суын шығаратын зауыт. Көпшілік күнделікті тұтынып жүрген бұл судың дәл Шымкент қаласында өндірілетінін біле бермейді.

Зауыттың негізі 2018 жылы қаланған. Қысқа уақыт ішінде кәсіпорын тұрақты жұмыс ырғағын қалыптастырып, өңір экономикасына елеулі үлес қоса бастады. Қазіргі таңда өндіріс орнында жүзден аса адам еңбек етеді. Жергілікті тұрғындардың жұмыспен қамтылуы  зауыттың әлеуметтік маңызын арттырып отыр. Әр қызметкер технологиялық процестің бір бөлігін атқарып, өнім сапасының тұрақтылығын қамтамасыз етеді.

AQUA ROSSA ауыз суының өңделу жүйесі бірнеше кезеңнен тұрады. Судың табиғи құрамын сақтап, артық элементтерден тазарту үшін жеті сатылы сүзу технологиясы қолданылады. Бұл әдіс халықаралық стандарттарға сәйкес келеді. Зауыттағы жабдықтардың басым бөлігі автоматтандырылған: сүзгілеу, ультракүлгін сәулемен өңдеу, минералдық құрамды теңгерімдеу және бөтелкеге құю процестері бірізді жүйемен орындалады. Өнім сапасының бақылауы да жеке зертхана арқылы тұрақты түрде жүргізіледі.

Өндіріс орны ішкі нарықтағы сұранысты қамтып қана қоймай, экспорттық бағыттарды да дамытып келеді. Бүгінде Шымкентте өндірілген су Қазақстанның барлық өңіріне жеткізіледі. Сонымен қатар Өзбекстан, Қырғызстан, Тәжікстан, Қытай және Моңғолияға да экспортталады. Өнімнің шетел нарығына шығуы оның сапасының жоғары екенін көрсететін маңызды көрсеткіштердің бірі. Сыртқы нарықта бәсекеге қабілетті болу үшін кәсіпорын технологиясын үнемі жаңартып, өндіріс қуатын арттырып келеді.

Компания ішкі нарықта бәсекелестік мол екенін жақсы түсінеді. Сол себепті негізгі назарды өнім сапасына, қауіпсіздік талаптарының сақталуына және бағаның қолжетімді болуына аударады.  Су бөтелкелерінің көлемі мен формасының әртүрлі болуы да тұтынушы талабының ескерілгенін көрсетеді.

AQUA ROSSA бренді тек ауыз су өндірумен ғана емес, тұтынушы сенімін қалыптастыруымен де ерекшеленеді. Компанияның басты мақсаты – табиғи қасиеті сақталған, таза әрі қауіпсіз өнім ұсыну. Зауыт жұмысының негізінде тұрған қағида әр бөтелкеге құйылған судың бірдей сапада болуы. Осы талаптың орындалуы кәсіпорынның нарықта берік орын алуына себеп болды.

Шымкентте өндірілген ауыз судың халықаралық нарықта танылуы өңірдің өндірістік әлеуетінің артқанын көрсететін айқын дәлел. AQUA ROSSA бүгінде қаладағы ірі сусын өндірушілердің біріне айналып, жергілікті брендтің беделін көтеріп келеді. Өнім сапасы, өндіріс мәдениеті және экспорт көлемінің тұрақты артуы компанияның болашақта да дамуын жалғастыратынын білдіреді.