Шымкенттің жаңа әкімі алғашқы жиынын өткізді

Oinet.kz 22-01-2020

5e27b49f5d7e0.jpg

Бүгін Шымкент қаласының әкімі Мұрат Әйтеновтың төрағалығымен әкімдіктің алғашқы аппарат мәжілісі өтті. Бұл туралы Шымкент қаласы әкімінің баспасөз қызметі хабарлады.

Мәжілістің күн тәртібінде бірқатар мәселе көтеріліп, нақты тапсырмалар жүктеді.

Атап айтар болсақ, индикаторлар бойынша жұмыстарды күшейту және ТМД елдерінің мәдени астанасы жылын жоғары деңгейде өткізу. Сонымен қатар, Мұрат Дүйсенбекұлы тұрғындардың әлеуметтік жағдайын жақсарту бойынша ауқымды жұмыс атқаруды алға тартты.

Сондай-ақ, шаһар басшысы әр сала жетекшілеріне жұмысты сапалы әрі уақтылы атқаруды тапсырды.

Сондай-ақ, Шымкент қаласына инвестиция тарту мақсатында бүгін қала әкімі Мұрат Әйтенов «Kazakh Invest»ҰК» АҚ басқарма төрағасы Бауыржан Сартбаевпен кездесті. Кездесу барысында Kazakh Invest компаниясының өкілдері көлік және логистика саласы бойынша бірқатар инвестициялық жобамен таныстырып өтті.

Ұлы Жібек жолының бойында орналасқан Шымкент қаласы экономикалық әлеуеті зор, тұрақты дамып келе жатқан шаһар екенін айтқан қала басшысы аймақта шекаралық сауда-саттық пен экспорттық өндіріс дамып келетінін жеткізді.

Сондай-ақ, әкім мегаполис Еуропа, Таяу Шығыс, Қытай, Оңтүстік-Шығыс Азия және ТМД елдерімен теміржол және әуе арқылы байланысатынын атап өтті.

Кездесу соңында тараптар өзара тиімді ынтымақтастық орнатуға және бірлескен инвестициялық жобаларды жүзеге асыруға дайын екендерін мәлімдеді.

Ерлікпен жан тапсырған қостанайлық полицейдің отбасына пәтер берілді
Тоқаев Үкіметтің кеңейтілген отырысын өткізеді
Сәйкес тақырыптар
Көтерілу
×